تويت
هيثم أبو علي
يا معلمة
*******
يا معلمة.... وبسنين عمري..... معلّمِي
ومتحّكمي بقلبي.... وعَ قلبي حاكمي
إنتي بعيني ........ الجاذبية والجمال
يا تقبريني.... وتسلميلي .... وتسلمي
إنتي العياقة... والسحر..إنتي الجمال
ونسمة هواكي.. عالقلب.. عطر ودلال
وإنتي الأحلى بهالدني.. ما في جدال
وكل الحلا ليكي .... يا عمري بينتمي
لا تضيّعي ... فرصة عمرنا.... بهالدني
وتنسي سنين الحب.... وقت الولدني
يا زنبقة عمري ..... يا أحلى سوسني
غلّي بعطر القلب ......... ضلّي تنعّمي
لا تضيّعي.... فرصة عمرنا... بهالحياة
وقصة هوانا ... وحبنا ... والذكريات
عيشي حياتك وافرحي.. قبل الممات
فجأة العمر بيروح ..... خايف تندمي
بسمة حلاكي بهالدني... ضلّي ازرعي
ومهما حكوا العزّال........... لا تتسمّعي
يا ريت كل ما خلقِت...... فيي تطّلعي
وروحي بروحِك.... يا حياتي تطعّمي
وشو ما طلبتي يا عيوني ... تكرمي.
هيثم وطفة
9/9/2023