من أول مره بشوفك للشّاعر الغرّيد ذوالفقار الخضر

من أول مرة بشوفك
فتحت الباب وشفت عيون
مو عارف انو صفوفك
لحواسي قالو بتمون

كأنو قلبي محدد
مكانك يانور العين
من شافك فرحو جدد
وناطر هواكي من سنين
بسرعة لسهامو سدد
مدفع يطلق بالعينين
وقالولي لا تتردد
وخدها ع آخر صفين
العلك اللي بتما جمد
من طلبي وقالتلي ركون

ناطر لشوفك ناطر
من أجيال ومن دهور
انتي اللي جبرتي الخاطر
وحركتي فيي الشعور
انتي شراعي والياطر
وفيكي بتموج ببحور
ماني بحياتك عابر
قلتيها وفيها مسرور
لكن قلبك بيكابر
وبيضلو ياكل ليمون

رح ضل بحبك هيمان
وهايم فيكي ست بدور
ومهما دعيتي للنسيان
رح لف عليكي ورح دور
انتي الملجأ والعنوان
وزهرة عمري والمنثور
بضل بقربك شو هيمان
وكرمالك بنظم البحور
اعطيني من قلبك تحنان
وشيلي من بالك
لظنون

ذوالفقار حسن الخضر