محاورة لطيفة بين الشاعرهيثم وطفه والشاعرحسن أحمد كتوب

هيثم أبو علي

محاورة لطيفة بيني
وبين اخي وصديقي
العميد حسن أحمد كتوب.
هيثم
براسي ....شي ألف سؤال
وحيرة .... وكومة تساؤل
الاسما جايي... من الخيال
ليش سمّوها ........ تكامل
العميد حسن
فيها خبزاتك ....... والغاز
ودورك ........ بحل الألغاز
متل اللي راكب....... بالواز
ومضروب.. الفاصل واصل
هيثم
والله كفيت ....... ووفيت
بسحر حروفك.... ما لاقيت
برا الحارة .... وجوا البيت
الطيب ال بحروفك واصل.
العميد حسن
من بعدك ....... خيي هيثم
منك والله ............. بتّعلم
من بُعدك ........... عم اتألم
يا بو .......... شعر المراجل
هيثم
عَ بُعدك ...... قلبي مجروح
وعالفاضي..... عمري ميروح
عطرك باقي ..... جوا الروح
وتغلغل ............ بالمفاصل
العميد حسن
انت العطر ..... وانت الزهر
طيار ......... وطاير بالشعر
وبحُبك ..... شو حلو الأسر
واتقيد ............ بالسلاسل
هيثم
بحروفك ....... زهّر نيسان
جنة ......... من كل الألوان
طيبة .... ومحبة... وتحنان
تغنوا فيها ......... الجدوال
العميد حسن
نيساني ....... جانا بالصوم
تيعانق ....... فرحتنا اليوم
بحضورك .... يا سيد القوم
رقصوا زهور ...... الخمايل
هيثم
فرحتنا فيك ........ بتكمل
وحضورك .... هوي الأجمل
كامل... وبكلشي .... مكمل
وطبعك ...... طبع الأصايل
العميد حسن
طبعي من طبعك ... قريب
وقلبك أصفى.. من الحليب
انت مفضل ...... يا حبيب
ونحنا نرد ......... الجمايل
هيثم
والله ...... منتشابه بالقلب
وتلاقينا ..... بنفس الدرب
ما فينا ....... إلا وما نحب
ونتغنى ........... بالجدايل
العميد حسن
الحب ال فينا ..عمرو كبير
مزروع زراعة .... تَ يصير
والعمر الباقي ........ قصير
خلينا فيه ............ نغازل
هيثم
الحب ال فينا ... ما بيموت
دهب مرصّع ...... بالياقوت
زهّر جوري .... بورق التوت
ونبيد ........ بخصرا المايل.
4/4/2022