تويت
صعب الظلم
**********
خدني اشلحني بعيد...... برا هالديار
أحسن ما عيش بضيعتي معتر فقير
مذلول فيها ... ولو كنت طياااااااااار
أو كنت صاحب عز..... أو حتى أمير
مانسيت وين ربيت مانسيت الحجار
مانسيت ضحكة جارنا وخيي الزغير
مستفقد لبيي .......وريحة هاك الدار
للموقدة ...والمصطبة وهاك الحصير
مستفقد لأمي ....... وخياتي الزغار
ول الإيد الكانت ..... تهزلي السرير
ملعون بيو مين ....... صنٌع هالدولار
وخلّى كتار من البشر.. معبودن يصير
صعبة الغربة........... بحيث صرنا كبار
بس الظلم أصعب... عالشخص الكبير
شو بحن إرجع ...... لنو...... شي نهار
اسهر بخيمة بيتنا ........ ال كلا قمار
وريحة حبق أيلول
ونبقى سوا عطوول
واسمع بوفادي يقول
موسم صبايا وحب وشحارير
وقديشنا صحبة.....أنا وهالبير.
هيثم وطفة
26/8/2023