نجلاء فتحي وحمدي قنديل

االفنانة_نجلاء_فتحى بعد علاقة شغل وصداقة مع #االإعلامى_حمدى_قنديل
لقت إنه شبهها
بيفكر بعقلها
بيحترمها وبتحترمه
بيقدرها كأنثى وبيحترمها كممثلة
وبيتعايش مع إنسانيتها
حتى تفكيرهم السياسى كان واحد

فى الفترة دى كانت نجلاء فتحى مطلقة
وحمدى قنديل هو كمان كان مطلق زوجته من فترة
فقعدت مع نفسها وحسبتها
لاقت إنه أكتر شخص مناسب تعرف تعيش معاه
فأتصلت بيه سألته إنت فين النهاردة طول اليوم
فقالها أنا فى النادى
قالتله طيب جهز نفسك أنا هتجوزك النهاردة
فرد عليها قالها عظيم عظيم

مكنش عارف يقول إيه هو إتفاجأ وبس..

فى نفس اليوم فعلٱ إتجوزوا وعاشوا مع بعض ...
بعدها قنديل كتب فى مذكراته
إن كل حياته إللى عاشها
من طفولة لشباب لرجولة لشغل ونجاح وزواجاته الأولى
كانت حياة وإن نجلاء لوحدها حياة تانية
وعشان كده سمى كتاب حياته "عشت مرتين"

مفيش حاجة إسمها كبرنا وهناخد زمننا وزمن غيرنا
مفيش حاجة إسمها الإنسان بيحب مرة واحدة بس
مفيش حاجة إسمها بعد الطلاق أو إنتهاء أى علاقة
حياتك إنتهت
مفيش حاجة إسمها خد حد مختلف معاك عشان تكملوا بعض ده عبط وهبل ..
مفيش حاجة إسمها منتجوزش إلا عن قصة حب وحد بنحبه
إتجوزوا إللى شبهكم
إلى يحب إللى بتحبوه
ويرضى عن إللى ترضوا عنه
عشان العلاقات دى هى إللى بتنجح وبتكمل للأخر