تويت
هو فيه حاجة بجد إسمها "شقة مسكونة أو " جان عمار المكان؟!! "
لما ربنا يكرمك ويبقى ليك منزل مستقل بعد الزواج، أحيانًا ممكن تتهور وتقرر أنَّك تجيب ونس ليكم وتربي حيوان أليف زي مثلًا قطة أو كلب بس عمرك مهتكون عامل حساب أنَّه ف البيت فيه حاجة ثانية عاملة ونس برضو ف حالة خمول منتظرة وجودك عشان تبتدي تتحرك!!
عام 1962م سجلت بعض الأوراق حالة غريبة جدًا ل طفلة مصرية أصابها فزع وحالة عصبية شديدة بسب أنَّها صحيت من النوم بليل متأخر عشان كانت عطشانة وهي ف طريقها إلى المطبخ شافت باباها قاعد قدام التليفزيون ولما ندهت عليه مردش عليها، البنت شربت ورجعت تاني أوضتها عشان وقبل متدخل تشوف ف الأوضة اللي جمبها باباها نايم جمب مامتها والتليفزيون لسا قدامه ظل الراجل اللي كلمته من ثواني!!
فيه ظواهر كثيرة ماورائية مرينا بيها ف حياتنا ومش عارفين ليها أي تفسير وعشان منخافش بنضطر نسكت أو نحبس خوفنا جوانا من غير منحكيه لحد والظاهرة دي وزي مقال الجاثوم السابق واللي طلع معظمكم مر بيها ف الكومنتس، أكيد برضو شائعة وهي أننا نكون قاعدين ف أوضتنا والدنيا هادية وسكون تمام أثناء الليل ومرة واحدة نسمع خبط على السقف بعد الساعة 12 مساءًا أو همسات كده محدش بيسمعها غيرنا، حاجات ف البيت بتختفي مرة واحدة وبعد بحث كثير جدًا منعثرش عليها عشان وبعد مدة نلاقيها ظهرت ف مكان تاني خالص كأنها ملبوسة ولا خليني أقولك على الأصعب بقى أنَّنا نلاحظ ظل أسود بيتحرك وبيختفي مرة واحدة وبعد لحظات من الرعب نقول أكيد بنتوهم!!
بصراحة كده كل الظواهر دي وأكتر كمان بترجع ل نوع معين من الجان يُطلق عليه " عُمار المكان " وهما نوع محدد من الكائنات دي زيه زي الجاثوم، مردة الجان والعفاريت بس النوع ده بالذات هو الأكثر قُربًا من البشر وده عشان أسباب مهمة جدًا زي كونهم يسكنوا المناطق المهجورة وكمان المأهولة بالسُكان فعلى عكس بقية عناصر الجان، نشاطهم غير مؤذي لينا تمامًا بل بيكونوا عايشين فالبُعد الموازي وبيمارسوا حياتهم بشكل خاص دون أي تعرض للبشر ومش بس كده لا دول كمان فكرة إخضاعهم من قِبل ساحر أو دجَّال تكاد تكون منعدمة فعشان كده النوع ده من الجان الأكثر قربًا مننا مكانيًا ولكن وللآسف طبعًا ليهم حالات بسببها ممكن ينتقلوا من حالة السكون الخاملة اللي محدش فينا بيلاحظهم أصلًا ل أُخرى بنستشعرهم جميعًا عن طريق رؤية ظلال، سماع همسات أو حتَّى مُلاحظة أشياء بتقع من مكانها لوحدها والحالات دى عددها ثلاثة وهم،
إذا فرد من عُمَّار المكان أُعجب ب شخص من بشر البيت نفسه والإعجاب ده بيكون جسدي وعشان كده فيه وصايا هامة زي بلاش تقف عاري مثلًا أمام المرآه وغيره لأني إذا حصل وواحد منهم حصل منه الإعجاب ده بيتحول ل جان عاشق وطبعًا نزلت عنه مقال سابق وشرحت كل شيء عنه وبالأخص بنات كثيرة علقت وقالت قصص مرعبة مرَّت بيها بسببه.
الحالة الثانية وهي فردية لما فرد منهم يقرر اختراق الحاجز الزامكاني وأنه يبتدي يتحرك بشكل ملحوظ لينا ودي نادرة جدًا.
الحالة الثالثة بقى والأكثر أهمية وهي لما جان عُمار المكان يكونوا مرتبطين جدًا ب المكان اللي عايشين فيه زي مثلًا لما نبني بيت ف مكان كان مهجور وأكيد كُلكم بتسمعوا عن القصص المرعبة ف الخرابة والمقابر الفارغة وغيره ودي كُلها بتكون بسبب النوع ده من الجان وهو بيحاول يدافع عن مكانه ويطرد أي غريب فبيعمل كل اللي شرحناه فوق ده بهدف الإخافة وطبعًا إجبار البشر اللي فيه على هجر المكان.
طيب وبعد مشرحتلكم كل شيء خاص بيهم وأعدادهم اللي ممكن تبلغ المئات ف مكان واحد وضيق تفتكروا إيه الحل؟!!
ف البداية، مش شرط عشان نشاط فردي وحيد ف فترات متباعدة نقول أن البيت مسكون أو نخاف فزي مذكرت ف الحالات، دي بتتبع الحالة الثانية وبتكون عادية جدًا ومش بتتكرر لكن وقت ميكون فيه تكرار وفعلًا فزع وأصوات كثيرة توصل ل درجة الحلم المتواصل بيهم ف هنا بقى لازم وقفة، جان عُمار المكان مش أقوياء يعني وسهل جدًا تحجيمهم وده بيكون عن طريق السلاح الأقوى لكل مؤمن، طبعًا القرآن وهنا فيه غلطة كتير مننا بيقع فيها وهو أنه يشغل قرآن بس ف الكاسيت مثلًا على الرقية ويشتكي من كونها برضو غير فعَّالة أوي، دائمًا الحل بيكون من الشخص نفسه وزي متعودنا ل عُمار المكان طريقة قوية جدًا وهي أن أفراد البيت كلهم يقرأوا البقرة يوميًا في البيت ولمدة أسبوع مثلًا ويا سلام لو بصوت مسموع وممكن كمان سورة طه وطبعًا تحصين النفس قبل النوم، بجانب بقى خطوة مهمة جدًا وهي رش زوايا المنزل ب مية وملح، وأيوة الملح من العناصر اللي بتضايق الجان جدًا وده ليه مقال خاص لوحده بالحاجات اللي بيتأثر بيها الجان.
خطوات زي دي كفيلة وف غضون أسبوع وضع نهاية لكل شيء وحتى لو إذا الجان دول مرتبطين بالمكان هيهدأوا تمامًا ويعم السلام بإذن الله.
عايز أقولكم كمان أن معظم أفلام الرعب مبنية أصلًا على الطائفة دي وتحوير قدراتها لصناعة الفيلم نفسه ولكن الواقع شيء مختلف ده حتى اللي بنسمعه عن قصص المقابر فالأغلب بيكون بسببهم هما ونشاطهم الملحوظ وقت الليل.
أخيرًا بعد استبعاد الحالة النفسية السيئة اللي ممكن تصنع ل عقلك عالم موازي أصلًا، محدش أبدًا يستهين ب مقدرة الجان أو يشك ف عقله وهو بيلاحظ حاجات ماورائية والمهم أننا نعرف الأسباب عشان نعرف العلاج وصدقًا نحن أقوى بكثير والأهم وحقيقي الورد اليومي حصن لكل مؤمن وبيزود هالتك جدًا فلا يجعلك عُرضة للتأثر بأي شيء فلا تهملوه.
متنساش تعمل فولو للصفحة والمفضلة عشان توصلك المقالات الجديدة ولو انت جديد هنا ممكن تقرأ المقالات السابقة وهنتظر رأيك ف الكومنتس نتناقش فيها.
#رعب
#جن
#رعب_مع_الدوك
لما ربنا يكرمك ويبقى ليك منزل مستقل بعد الزواج، أحيانًا ممكن تتهور وتقرر أنَّك تجيب ونس ليكم وتربي حيوان أليف زي مثلًا قطة أو كلب بس عمرك مهتكون عامل حساب أنَّه ف البيت فيه حاجة ثانية عاملة ونس برضو ف حالة خمول منتظرة وجودك عشان تبتدي تتحرك!!
عام 1962م سجلت بعض الأوراق حالة غريبة جدًا ل طفلة مصرية أصابها فزع وحالة عصبية شديدة بسب أنَّها صحيت من النوم بليل متأخر عشان كانت عطشانة وهي ف طريقها إلى المطبخ شافت باباها قاعد قدام التليفزيون ولما ندهت عليه مردش عليها، البنت شربت ورجعت تاني أوضتها عشان وقبل متدخل تشوف ف الأوضة اللي جمبها باباها نايم جمب مامتها والتليفزيون لسا قدامه ظل الراجل اللي كلمته من ثواني!!
فيه ظواهر كثيرة ماورائية مرينا بيها ف حياتنا ومش عارفين ليها أي تفسير وعشان منخافش بنضطر نسكت أو نحبس خوفنا جوانا من غير منحكيه لحد والظاهرة دي وزي مقال الجاثوم السابق واللي طلع معظمكم مر بيها ف الكومنتس، أكيد برضو شائعة وهي أننا نكون قاعدين ف أوضتنا والدنيا هادية وسكون تمام أثناء الليل ومرة واحدة نسمع خبط على السقف بعد الساعة 12 مساءًا أو همسات كده محدش بيسمعها غيرنا، حاجات ف البيت بتختفي مرة واحدة وبعد بحث كثير جدًا منعثرش عليها عشان وبعد مدة نلاقيها ظهرت ف مكان تاني خالص كأنها ملبوسة ولا خليني أقولك على الأصعب بقى أنَّنا نلاحظ ظل أسود بيتحرك وبيختفي مرة واحدة وبعد لحظات من الرعب نقول أكيد بنتوهم!!
بصراحة كده كل الظواهر دي وأكتر كمان بترجع ل نوع معين من الجان يُطلق عليه " عُمار المكان " وهما نوع محدد من الكائنات دي زيه زي الجاثوم، مردة الجان والعفاريت بس النوع ده بالذات هو الأكثر قُربًا من البشر وده عشان أسباب مهمة جدًا زي كونهم يسكنوا المناطق المهجورة وكمان المأهولة بالسُكان فعلى عكس بقية عناصر الجان، نشاطهم غير مؤذي لينا تمامًا بل بيكونوا عايشين فالبُعد الموازي وبيمارسوا حياتهم بشكل خاص دون أي تعرض للبشر ومش بس كده لا دول كمان فكرة إخضاعهم من قِبل ساحر أو دجَّال تكاد تكون منعدمة فعشان كده النوع ده من الجان الأكثر قربًا مننا مكانيًا ولكن وللآسف طبعًا ليهم حالات بسببها ممكن ينتقلوا من حالة السكون الخاملة اللي محدش فينا بيلاحظهم أصلًا ل أُخرى بنستشعرهم جميعًا عن طريق رؤية ظلال، سماع همسات أو حتَّى مُلاحظة أشياء بتقع من مكانها لوحدها والحالات دى عددها ثلاثة وهم،
إذا فرد من عُمَّار المكان أُعجب ب شخص من بشر البيت نفسه والإعجاب ده بيكون جسدي وعشان كده فيه وصايا هامة زي بلاش تقف عاري مثلًا أمام المرآه وغيره لأني إذا حصل وواحد منهم حصل منه الإعجاب ده بيتحول ل جان عاشق وطبعًا نزلت عنه مقال سابق وشرحت كل شيء عنه وبالأخص بنات كثيرة علقت وقالت قصص مرعبة مرَّت بيها بسببه.
الحالة الثانية وهي فردية لما فرد منهم يقرر اختراق الحاجز الزامكاني وأنه يبتدي يتحرك بشكل ملحوظ لينا ودي نادرة جدًا.
الحالة الثالثة بقى والأكثر أهمية وهي لما جان عُمار المكان يكونوا مرتبطين جدًا ب المكان اللي عايشين فيه زي مثلًا لما نبني بيت ف مكان كان مهجور وأكيد كُلكم بتسمعوا عن القصص المرعبة ف الخرابة والمقابر الفارغة وغيره ودي كُلها بتكون بسبب النوع ده من الجان وهو بيحاول يدافع عن مكانه ويطرد أي غريب فبيعمل كل اللي شرحناه فوق ده بهدف الإخافة وطبعًا إجبار البشر اللي فيه على هجر المكان.
طيب وبعد مشرحتلكم كل شيء خاص بيهم وأعدادهم اللي ممكن تبلغ المئات ف مكان واحد وضيق تفتكروا إيه الحل؟!!
ف البداية، مش شرط عشان نشاط فردي وحيد ف فترات متباعدة نقول أن البيت مسكون أو نخاف فزي مذكرت ف الحالات، دي بتتبع الحالة الثانية وبتكون عادية جدًا ومش بتتكرر لكن وقت ميكون فيه تكرار وفعلًا فزع وأصوات كثيرة توصل ل درجة الحلم المتواصل بيهم ف هنا بقى لازم وقفة، جان عُمار المكان مش أقوياء يعني وسهل جدًا تحجيمهم وده بيكون عن طريق السلاح الأقوى لكل مؤمن، طبعًا القرآن وهنا فيه غلطة كتير مننا بيقع فيها وهو أنه يشغل قرآن بس ف الكاسيت مثلًا على الرقية ويشتكي من كونها برضو غير فعَّالة أوي، دائمًا الحل بيكون من الشخص نفسه وزي متعودنا ل عُمار المكان طريقة قوية جدًا وهي أن أفراد البيت كلهم يقرأوا البقرة يوميًا في البيت ولمدة أسبوع مثلًا ويا سلام لو بصوت مسموع وممكن كمان سورة طه وطبعًا تحصين النفس قبل النوم، بجانب بقى خطوة مهمة جدًا وهي رش زوايا المنزل ب مية وملح، وأيوة الملح من العناصر اللي بتضايق الجان جدًا وده ليه مقال خاص لوحده بالحاجات اللي بيتأثر بيها الجان.
خطوات زي دي كفيلة وف غضون أسبوع وضع نهاية لكل شيء وحتى لو إذا الجان دول مرتبطين بالمكان هيهدأوا تمامًا ويعم السلام بإذن الله.
عايز أقولكم كمان أن معظم أفلام الرعب مبنية أصلًا على الطائفة دي وتحوير قدراتها لصناعة الفيلم نفسه ولكن الواقع شيء مختلف ده حتى اللي بنسمعه عن قصص المقابر فالأغلب بيكون بسببهم هما ونشاطهم الملحوظ وقت الليل.
أخيرًا بعد استبعاد الحالة النفسية السيئة اللي ممكن تصنع ل عقلك عالم موازي أصلًا، محدش أبدًا يستهين ب مقدرة الجان أو يشك ف عقله وهو بيلاحظ حاجات ماورائية والمهم أننا نعرف الأسباب عشان نعرف العلاج وصدقًا نحن أقوى بكثير والأهم وحقيقي الورد اليومي حصن لكل مؤمن وبيزود هالتك جدًا فلا يجعلك عُرضة للتأثر بأي شيء فلا تهملوه.
متنساش تعمل فولو للصفحة والمفضلة عشان توصلك المقالات الجديدة ولو انت جديد هنا ممكن تقرأ المقالات السابقة وهنتظر رأيك ف الكومنتس نتناقش فيها.
#رعب
#جن
#رعب_مع_الدوك