تويت
Muslim Al-ta'an
إمسافر بعيييد....!
قصيدة شعبية
شعر: مسلم الطعان
إمسافر بعيييد..،
ولا بعيد:
إتمر ضوا
تدري الضوا:
بلا نايْ شوفَكْ
ما يغنّي الضوا
إمسافر بعيييد..،
يا إمخلّي ليلي:
صحرا أو وجع
يتحسر إعلى الدوا
إمسافر بعييد..،
يا إمطفّي فانوس الأملْ
بليلي غريب،
بس عندي فانوس الجرح
بكل لچمه يشعلْ ليْ ضوا
إمسافر بعييد...،
ويا ريّة أنفاسك
فارگتني
عطشتني
ومامش إوشالة هِوا...
إمسافر بعيد..،
وعطشان إلكْ گلبي دَهَر
والروح بوسه إمسودنه
ما ضاگت إشفاف المطر
إمسافر بعيد...،
وجوعي إلَكْ:
جوع الجدم للأثر
إمسافر بعيييد..،
وأدري السَفَر:
ماعونه فارغ
مابيهْ لگمة أثر.....!
الثلاثاء:18/7/2023
الساعة التاسعة صباحاً
صومعة السومري الغريب
سيدني