غناء:فيروز.أغنية:شرطي السير..كلمات وألحان:الأخوين الرحباني

* تتمة أغنية:
* غناء:فيروز.أغنية:شرطي السير..كلمات وألحان:الأخوين الرحباني

يا بنتي هيدا كمين عملناه للمواطنين لحتى نصفقُن ظبوطا

- بس الآرمة الدولة كاتبتا

- ياي ياي يخرب بيتك ليش الدولة بيتأمّنلا؟

- يا سبع أفندي أنا بعرفك شرطي بلدي كيف صرت شرطي سير؟

- أنا بالأساس شرطي بلدي أمّا الآن فوق وظيفتي أسندوا إليّ حقيبة السير

- ليش من قلّة الشرطة؟

- لا لا دارجة بهالإيام لْكلّ وزارة وزيرين، وزير بيشتغل ووزير بيتفرّج بس مش أكتر

- وإنت وحدك هون؟

- لا أنا مع.. نحنا سبعة تمانة ماعنّاش شغل حطّونا عالنقطة هون

- طيّب وين رفقاتك؟

- يا حرام قسم منهن عم بيكزدر وقسم عم بيتفرّج عليّي هون

- إيه الله يوفّقك

- الله وفّقني فيكِ، هاتي وراقك

- ليش شو عملت؟

- عم بتقلّيلي الله يوفّقك، يا حسرتي يا روحي يا سندي، شرطي السير بِشُو الله بدو يوفقو؟ بمليون ليرة؟ بئر بترول؟ بدو يوفّقو بكم ظبط يعملهن بهالمواطنين

- إيه بس هيدا مش حقّ

- يا بنتي دايماً الحقّ مع البدلة، شفتِ حدن اختلف مع إبن حكومة طلع معو راس؟

- تفضل هاي إجازتي

هاي إجازتك؟ لكلكلك روحي يا روحي
يا نوسِك على هالصورة الحلوة، شو هالجمال الباهر، يا عيني يخرب بيتك متل راكيل ولش

- شو عم تعمل؟

- بدي آخدلك صورتك سَفونير

- وكيف بدي إمشي بلا صورة
كلمات أغاني فيروز
fairouziyat.com

* تتمة أغنية:
* غناء:فيروز.أغنية:شرطي السير..كلمات وألحان:الأخوين الرحباني


اسكتي رح بلزقلك صورتي بدالا

- خلصني بقى جاي لعنّا ناس

- ناس! مين هالناس؟ ناس! طيّب روحي سامحتك

ناس مين هالناس والله يا عمي عالعدلية ما بيجي ناس قد ما بيجوا لعندُن

- نهارك سعيد

- قرّب تَ شوف، قرّب بسرعة

- دخلك بتعرفلي وين بيت المدموزيل عايدة؟

- المدموزيل عايدة المهضومة ما غيرا؟

- نعم

- هيهيهي هلّق إنت الناس؟ هيّي قالتلي جايي لعندا ناس ما قالتلي جايي نسناس

- أنا إسمي سمير

- سمير؟

- نعم

- هات تذكرتك

- تذكرتي!

- بسرعة

- تفضل

- إنتحال شخصية، هون بالتذكرة إلك شوارب، هون ما إلك شوارب، مش عارف هيدا مخالف للقانون؟

- يا سيدي حلقت شواربي

- ومعك رخصة من الزراعة بحلق شواربك؟

- حلق الشوارب بدّو رخصة؟

- نعم، نعم، شواربك داخلة بالمشروع الأخضر، شاطر تغيّر حلّاسك وتتسلّل لعندا متنكِّراً. شو في جايي؟

- أنا البوي فرند تبعا
كلمات أغاني فيروز
fairouziyat.com

* تتمة أغنية:
* غناء:فيروز.أغنية:شرطي السير..كلمات وألحان:الأخوين الرحباني



- البويا فرند الله يلعن، ما بيكفّيها البويا اللي عَ وشّا تَ تزيد عليها بويافرند؟ شو القصد من مجيئك؟

- بدي إجتمع فيها

- ما هي الأحاديث التي تدور حولكم في هذا الإجتماع؟

- إجتماع خاص ما بقدر قلك

- فإذن بدكن تحكوا شي ممنوع

- لأ مجرد عواطف

- ما هادا الممنوع، كلام العواطف ممنوع

- طيب شو بتريد لحقنا وجينا

- إيه لوّتلي قلبي، يعني أكيد إلك شي شهر بتِسْتعد عَ هالكلمتين روح قولن وإرجع


- خلص وقت السير، تَ نرجع لبوليس البلدية

الله معك يا أفندي. شو هيدا؟

- أسبوع النظافة. إشغلي هاو شويي بيصيفيش الصابون.

قرّب تَ شوف، قرّب، شو منقدر نخدمك؟
بيت السيد فضّول وين؟
فضّول ما غيرو؟
نعم
لشو بدك فيه؟
أنا غريب وقاصدو
يا حرام غريب غريب غريب. ما إلك حدن هيك سيدي هيك زعيم هيك واسطة هيك، هيك يشدّ فيك

- لأ

- عال عال فإذن إنت رجل أنموذجي. فينا ننفّذ فيك القانون بدون ما حدن يعملّك واسطة

- بس أنا مش مخالف
كلمات أغاني فيروز
fairouziyat.com

* تتمة أغنية:
* غناء:فيروز.أغنية:شرطي السير..كلمات وألحان:الأخوين الرحباني

​​​​​​​روق روق هلّق منطلّعك مخالف طوِّل بالك، معك ورقة صحّية؟

- ورقة صحّية لشو؟ أنا مش دكَّنْجي

- ما بفهم بدك ورقة صحية

- طيب إتفضل

- يخرب بيتك، طيب، يا الله، معك زمّور؟

- زمّور؟

- بدّك زمّور

- طيب تفضل

- بدّي إفقعك ظبط زمور

- بس أنا ما زمّرت

- ما بفهم، مخالفة

- مادام رح تعمل مخالفة زمّور تفضل اعمل الظبط عالنمرة وما رح إعطيك وراقي

- شِه

- فممم فرررررروم

- وهيدا ظبط تاني عدم امتثال، وين الموتوسيكل؟ ترررر. طفت. تررر طاطا طاطا طاطا