غناء:فيروز.أغنية:زنوبيا..زنوبيا اسمعي يا زنوبيا اسمعي..كلمات وألحان:الأخوين الرحباني

تتمةالاغنية:
*غناء:فيروز.أغنية:زنوبيا..زنوبيا اسمعي يا زنوبيا اسمعي..كلمات وألحان:الأخوين الرحباني.
- خمس سنين، ميّة سِنِة بيمرّوا متل الطّير
بياكلهُن الزّمان، زمان اللّي بياكُل كِلس الحيطان
بس اللّي بيبقى اللّي وحدو بيبقى
شرف الوقفة صرخة بِوجّ الظّلم
- انهدم البرج، انكسرالسّور
العسكر هاجم صَوب الملكِة متل الأطفال اللّي بدّن يتْخاطَفوا اللّعبة
اهربي يا زنوبيا
- وإنتو؟
- نحنا منبقى، نحنا عشب الأرض
والعاصفة بتمرُق فَوق، بتكسّر الورد العالي
الوردِة إنتِ، والعاصفة جايي تاخدِك إنتِ
- أنا زنوبيا ملكة المملكة النّبيلة
لأجل الحريِّة بختار الموت
اعطوني كاس الموت
- الملكة العظيمة رفضِت الظّلم
واختارِت المَوت، اختارِت النّسيان
ودّعوا زنوبيا بِموسم الدّمع، بِصَوت الفرح، بِوَرَق الرّمان
- يا مَوت يا زهرة البطولة
كلمات أغاني فيروز
fairouziyat.com

تتمةالاغنية:
*غناء:فيروز.أغنية:زنوبيا..زنوبيا اسمعي يا زنوبيا اسمعي..كلمات وألحان:الأخوين الرحباني.

يا تاج الحياة، وعطيّة المحبّة الخجولِة
يا مَوت هدّيني بِإيدي
خدني عَ طرقات مفروشة بالنَّوم وسعيدة
ويا أهالي تِدمُر، خمس سنين من العمر عشتوها أحرار
إلكُن سما وهويّة، واللّي سكَن الحريّة يوم، نهار، ما بقى تقدر روما تسلُب منّو الحريّة
كاسَك يا مَوت
- أورليانوس الأمبراطور
- زنوبيا ما إلك مهرب من روما حتّى بالموت
- أورليانوس أنا برفض روما وسيطرِة روما
- إنتِ تمرّدتِ
- نحنَ عم نتحرّر
- وعارفة مصيرِك؟
- عارفة مصيري، بِساحات روما مكبّلِة بالحديد
- تمشي بالشّوارع، مغلوبِة أسيرة، ويتفرّجوا النّاس عَ الملكِة الأسيرة
- اللّي بدّو يصير ما عاد يهمّ، أنا لعبت الدَّور والدَّورالمهمّ
- لا تخدعي النّاس، صارحي النّاس قوليلن انكسرتي
- أورليانوس الإنكسار بيمضى والإنتصار بيمضى
وبكرا بالإيّام، تِدمُر اللّي انكسرِت، روما اللّي انتصرِت
تنينتهُن حجار وإنتْ وأنا تمثالَين بساحة الآثار
لكنْ بِكلّ زمان ومكان بدّا تطلع روما تُطّغي وتظلم
وبدّا تطلع تِدمُر ترفض الظّلم
وبِآخر الآخر، بِسهول الزّمان، بتنتصر تِدمُر
كلمات أغاني فيروز
fairouziyat.com

تتمةالاغنية:
*غناء:فيروز.أغنية:زنوبيا..زنوبيا اسمعي يا زنوبيا اسمعي..كلمات وألحان:الأخوين الرحباني.
تِدمُر الحريِّة، تِدمُر الصّرخة اللّي بقلب الإنسان
- كبّلوا زنوبيا، خدوها على روما
- تتهدّم أجسادنا، يحصدها السّيف الحاصِد
- تتبدّد إيّامنا، ينهبها الوقت الرّاصِد
إذا مننسى زنوبيا أو صرخة زنوبيا
- لوّحوا بإيدَيكن ودّعوا زنوبيا
قولوا للشُّعرا يكمّلوا الأشعار
قولوا للثُّوار يضلّهُن ثوّار
المملكة تِدمُر انتهِتْ مِن الأرض
صارِتْ بالقلوب صارِت بالمَدار
صارِت الصّرخة وصارِت النّار
أورليانوس عجّل خدني على روما
عليِت الصّرخة كبرِت على المَوت
لا عسكرَك أورليانوس ولا قوّة روما ولا كلّ روما بالدّهر بتسكِّت هالصَّوت
- تتهدّم أجسادنا، يحصدها السّيف الحاصِد
- تتبدّد إيّامنا، ينهبها الوقت الرّاصِد
إذا مننسى زنوبيا أو صرخة زنوبيا
زنوبيا زنوبيا زنوبيا