غناء:فيروز.أغنية: رجعِت العصفورة تعشّش بالقرميد..كلمات وألحان:الأخوين الرحباني

كلمات وألحان:الأخوين الرحباني
رجعِت العصفورة تعشّش بالقرميد
والسَّوسنِة رجعِت تزهّر من جديد
إجِت الشّتويّة، تجمّعوا العشّاق
رجعت المدارس، أطفال وتلج وعيد
وطُلِع السمّاق ومدّ جناحو
بس اللّي راحوا راحوا

بالدّفاتر عندي أسامي غيّاب
أصحابا تركوها، صارت بلا صحاب
يوسف الكندرجي، صبحي بيّاع الكاز
وأمين البوّاب اللّي انقتل عَ الباب
أساميهن عندي وهنّي راحوا
وكل اللّي راحوا راحوا

قالوا كتير وكتبوا كتير
ومراكب دمع وعواطف حرير
وصلِت القصايد لآخر الدّني
القصايد المجروحة لآخر الدّني
قالوا تهدّم وطن الهدير
وطن الزّمان اللّي علّم وبِني
كلمات أغاني فيروز
fairouziyat.com
وبكيِت الدّني بكيِت الدّني

لكنْ رح نرجع رح نرجع رح نرجع
رح نرجع من حرايق
رح نرجع من شوارع هدّمتها المدافع
رح نرجع رح نرجع

ولبنان الحقيقي جايي، لبنان البساطة جايي
تَ يشيل الوجوه المصبوغة
الوعود المدموغة
وياخدهن الشّتي
بِفيّي البواب
عم تكبَر الطّفولة
عم تكبَر البطولة
عم تلمَع السّاحات
يا وطني العظيم يا وطني
نهر الفرح وَالِع
وبضوّ الفجرالطّالع
تتوهّج الحياة