يا ريت إرجع للشّاعرة الرّائعة ميساء يوسف

يا ريت ارجع بالعمر طفلة(ي)
....اغفى بحضنك والفرح
نوم الهنا مواعيد يقطفلي
.......و رجّع ضحكنا اللي انسرق
ب الهم ع غفلة(ي)
يامووو...عم تشتي هنا و أعياد
حكياتك
ولو طافت عيون الوحي
ما بملّ وحياتك
.....ياموووو
على طراف الزهر
نقّط عطر
من نور وجناتك
شمّيت أنسام الرضا
من ريحتك مع ريحة
ولادي
يا جنتي ان شح الدفا الموعود
ببلادي
يامووو
أنا رح اعترفلك
والسما أسرار
عليكي من دروب الغياب
بغار
والدار لو غبتي...أسى
و مرار
و رح اعترف شو بحب طبخاتك
....خبز الفقر....شهد وعسل
من تحت دياتك
رح اعترفلك بالبرد يامو
انتي الدفا بجرود أيامو
والبال انتي سرير أحلامو
وعيونك مساكب عيون
الياسمين
بتعطّر حفاف الحنين
بتدوم ضحكات القلب
لو بالرؤى دامو
خوفي عليهم بالجفا ينامو
خوفي على كفوف اللي تعبت
ت انطفى همي
خوفي على الحب اللي لاممنا
بحلا اللمة(ي)
خوفي ع صوتي ينجرح
لو غاب اسمك يوم عن تمي
وبخاف من دمعة أسى
بعتمة مسا
ما تمسحا أمي
يا قلب غامرني بهنا ظلّو
باقي معي...بدرب العمر كلو
بيضل لو كل البشر فلّو
.....بأعتاب تشريني
قلبك..
اذا خير السما طيّر
صافي الهوى اللي صعب يتغير
......وحدو بقسا هالكون يحميني
...يا ضحكة سنيني
وحدو رضا هالقلب يرضيني
.....