غناء:فيروز.أغنية:حلوِة يا بَلْدتنا..يا زهرة الوديانْ.كلمات وألحان:الأخوين الرحباني

كلمات وألحان:الأخوين الرحباني
حلوِة يا بَلْدتنا .. يا زهرة الوديانْ
بتمُرّ عيشتنا .. فيكِ هَنَا وألحانْ

يا دارنا الـ بتلوحْ .. عَ جبهة الوادي
يلّلي القمر مشلوحْ .. عَ سطحك الهادي
ناي الهوى مجروحْ .. بظِلِّك النادي
وبِفَيِّتك بتبوح .. بِحُبِّها الأغصانْ

لْيَالي السهرياتْ .. مَلهَى سْطَيحتنا
غْناني الصبحياتْ .. وغْلالِ كَرْمتنا
وترفّ غنِّياتْ .. تشرح سَعَادتنا
يا أجمل اللَّيلاتْ .. في ربعِك الفتّانْ

يا قلب مهما يطُوْل هجرك والبُعادْ
بدنا نعود مطرح ما غنّينا ولادْ
تمضَى الليالي والسِّنينْ وأرضِنا
تلَّاتْها الحلوين بيضلُّوا جْدادْ

حلوِة يا بَلْدتنا .. يا زهرة الوديانْ
بتمُرّ عيشتنا .. فيكِ هَنَا وألحانْ