تويت
كلمات وألحان:الأخوين الرحباني
رَوضك على كتف الجبل ما أبدَعو
بيرفّ والنسمات بترفرف مَعو
ولمّا على التلّة بينشُد مِعوَلَكْ
عَ نغمتو طيور السما بيتجَمّعوا
من كُلّ قلبي بْسَاعِدَك .. يا غارِس البستانْ
وين ما بيمرُق ساعِدَك .. بتزَهِّر الأغصانْ
حلوة كتير جْنَيْنِتَك .. وغصُونِها بتلُوحْ
طْيُور الهَنَا عن مَرجِتك .. ما عُمْرِها بتروحْ
نسماتْ تقصُد خَيمِتك .. حتى بِحُبّا تبوحْ
الله يديملَك هِمِّتك .. للغَرْس والعمرانْ
بُكرا بينمى عندِنا .. بْساتين وجْنَيْناتْ
وبيصير يرقُص وردِنا .. في مَطلع النسماتْ
نحنا غَرَسْنا وقَصْدِنا .. الخيرات والغلّاتْ
نبذُل قِوانا وجَهدِنا .. للأرض والأوطانْ