غناء:فيروز.أغنية:بيتك يا ستِّي الختيارة .كلمات وألحان:الأخوين الرحباني

كلمات وألحان:الأخوين الرحباني
بيتك يا ستِّي الختيارة .. بيذَكِّرْني ببيت ستِّي
تبقى تْرَنْدِحْلي أشعارا .. والدنيِي عم بتشَتِّي
يُوك وفَرشَات وديوانْ .. عِتْق الباب وهالحيطانْ
دارِك متل دارا .. يا ستِّي الخِتيارَة

تبقى تْقَعِّدني وتحكيلي .. حكايات الجِنّ الحلوِة
وزبيب وجَوز تخَبِّيلي .. وإعملّا رَكوة قَهوِة
ستِّي اليوم بعيدِة .. وبْشَوِّحْلا بإيدي
مشتاقة لأخبارا .. يا ستِّي الخِتيارَة

يمكن عم تسقي جْنَينتها .. عَ تْلال الشمس وتحكِي
لْصَبِيِّة غَيري حْكَايِتها .. وعم تتْذَكَّرْني وتبكِي
ولِمِّن حاكَيتيني .. بْكِيتْ وذَكَّرْتيني
بْستِّي والدُّوارَة .. يا ستِّي الخِتيارَة