غناء:فيروز.أغنية:كنّا نتلاقى من عشيّة..كلمات وألحان:الأخوين الرحباني

كلمات وألحان:الأخوين الرحباني
كنّا نتلاقى من عشيّة
ونقعد على الجسر العَتيقْ
وتنزَل على السّهلة الضبابة
تمحي المدى وتمحي الطريقْ

وما حدا يعرف بِمَطرحنا
غير السّما وورق تشرينْ
ويقلّي بحبّك أنا بحبّك
ويهرب فينا الغيم الحزينْ

يا سنين اللي رِحْتِ ارْجَعيلي
ارْجَعيلي شي مرّة ارْجَعيلي
وانْسِيني عَ باب الطفولِة
تَ أركُض بشمس الطّرقاتْ

يا سنين اللي رِحْتِ ارْجَعيلي
ارْجَعيلي شي مرّة ارْجَعيلي
وردِّيلي ضحكات اللي راحوا
اللي بَعدا بْزَوايا الساحاتْ

كلمات أغاني فيروز
fairouziyat.com
بتذكَّر شو حكْيُوا عليّي
لمَّا نطرتْ وإنتَ نسيتْ
وصار الشتي ينزَل عليِّي
وإجا الصيف وإنتَ ما جيتْ

يا سنين اللي رِحْتِ ارْجَعيلي
ارْجَعيلي شي مرّة ارْجَعيلي
وانْسِيني عَ باب الطفولِة
تَ أركُض بشمس الطّرقاتْ

يا سنين اللي رِحْتِ ارْجَعيلي
ارْجَعيلي شي مرّة ارْجَعيلي
وردِّيلي ضحكات اللي راحوا
اللي بَعدا بْزَوايا الساحاتْ