غناء:فيروز.أغنية:بُكرا إنتَ وجايِي..كلمات وألحان:الأخوين الرحباني

كلمات وألحان:الأخوين الرحبانيبُكرا إنتَ وجايِي .. رح زَيِّن الريحْ
خَلِّي الشمس مْرايِة .. والكنار يصيحْ
وجَمِّع ناسْ .. وعَلِّي قْوَاسْ
بِكِلْ شارع ضَوِّي حكايِةْ
بُكرا إنتَ وجايِي
إنت وجايِي يا حبيبي

وبكرا إنت ومارِقْ .. رح صور براجْ
أرسم البيارقْ .. عَ روس الدراجْ
وصوت العيدْ .. يدقّ بعيدْ
والشجر يبكي عالمفارقْ
بُكرا إنت ومارِقْ
إنت ومارقْ يا حبيبي

رايتَك منصوبِة .. والذهب ميزانَك
اعْملني لَعُّوبِة .. واحْملني عَ حصانَك
وبالساحة الكبيرِةْ .. تْمَخْطَر فيِّي
وعلِّق الغيرِةْ .. على عينيِّي

بُكرا إنتَ وطالِلْ .. بركُض بْلاقِيكْ
وسطوح المَنَازلْ .. كِلَّا شَبَابيكْ
وإنتَ تدلّ .. علَيِّي تدلّ
وتمسحلي جَبيني بالسَّنَابلْ
بُكرا إنت وطالِل
إنت وطالِل يا حبيبي