غناء:فيروز.أغنية:شادي. من زمانْ أنا وزغيرِة.كلمات وألحان:الأخوين الرحباني

كلمات وألحان:الأخوين الرحباني
من زمانْ أنا وزغيرِة
كان في صبي
يجي من الحراشْ
إلعب أنا ويّاه
كان إسمو شادي

أنا وشادي غنّينا سَوى
لْعبنا على التلج ركضنا بالهَوا
كتبنا عالحجارْ .. قصص زغارْ
ولوّحنا الهوا

ويوم من الأيام ولعِتْ الدِّنِي
ناس ضدّ ناس علقوا بْهالدِّنِي
وصارالقتالْ .. يقرّبْ عَ التلالْ
والدِّني دِني

وعلقِتْ عَ طْراف الوادي
شادي رَكَض يتفرّج
خِفتْ وصرتْ إندهلو:
وينك رايح يا شادي؟
كلمات أغاني فيروز
fairouziyat.com
إندهلو وما يسمعني
ويبعَد يبعَد بالوادي
ومن يومِتها ما عِدِتْ شفتو
ضاع شادي

والتلج إجا وراح التلجْ
عشرين مرّة إجا وراح التلج
وأنا صرتْ إكبر .. وشادي بَعدو زغيَّر
عم يلعب عَ التلج