غناء:فيروز.أغنية:بيت الحبيب ما أجملو.كلمات وألحان:الأخوين الرحباني

كلمات وألحان:الأخوين الرحباني
بيت الحبيب ما أجملو .. خضر الغصون بتظلّلو
ياما تغنيت وياما تْنَقَّلْت في رَوضو الحلو
بيت الحبيب ما أجملو

بيت الحبيبْ وكر المُنى .. مليان من أحلامِنا
فيه ازْدَهِت أيَّامنا .. وفَتَّح وزَهَّر حُبِّنا
وجْنَيْنِتو أحلى حِمى .. ظِلّ الهَنا عليها ارْتَمى
ياما تَغَنَّيْت وياما .. تْنَقَّلْت في روضو الحلو
بيت الحبيب ما أجملو

بيت الحبيب خَيمِةْ غِوى .. نايم عَ كتف المُلْتَوى
بِيمُوج بِغْنَاني الهَوَى .. وبْيِرْتِعِش كلُّو سَوَى
من زَنْبَقاتو الساحِرَةْ .. بتطلع نَسَايِم زاهِرَةْ
بتطوف حَوْلو حايِرةْ .. وبيغمرو العطر الحلو
بيت الحبيب ما أجمله

بيت الحبيب المختفي .. بأشجار غَضَّة وارِفِة
روحي عليه مْرَفْرِفِة .. وبتغمرو بالعاطفِة
وكر المنى في المنحنى .. بظلّو تَذَوَّقنا الهَنا
كان الحبيب يمشي وأنا .. بأزهار حلوة شَكِّلَو
كلمات أغاني فيروز
fairouziyat.com
بيت الحبيب ما أجمله