غناء:فيروز.أغنية:كُل ما بْرُوح للوادي..كلمات وألحان:الأخوين الرحباني

كلمات وألحان:الأخوين الرحباني
آآآه آآآه .. آآآه آآآه
كُل ما بْرُوح للوادي .. برفَع صوتي وبْنَادي
بِسْمَع تَرديد النِّدا .. بفتِّش ما بلْقِي حَدا
مين غنّى؟ مين جاوَب؟ مين؟ هَيدا الصدَى
آآآه آآآه .. آآآه آآآه

لمّا بتْكُون الدروبْ .. ساكْتِة عند الغروبْ
بِمْشي في الوادي الرهيبْ .. بِسْمع الخطوِة دَبيبْ
كُل شِي هادي ما عَدا .. مَشْيِتي ورَجْع الصدى

ولَمّا بِمْضي للتِّلالْ .. وبجْلُس بْسَفْح الظِّلالْ
وبْغنِّي لحني السعيدْ .. بِسْمَعو شارِد بَعيدْ
عم يِتْجَاوَبْ في المدى .. ويرجَع في الوادي صَدى

أنا في وادي الحَياةْ .. لِي أماني ورَغَبَاتْ
وبْقَلْبي لَحِن جميلْ .. بْغنِّيه بْدَربي الطويلْ
لكن تُرى هالنِّدا .. بيكِنْلُو بْقَلبك صَدى