غناء:فيروز.أغنية:انشالله ما بُو شِي..كلمات وألحان:زياد الرحباني

كلمات وألحان:زياد الرحباني
خبِّرني عن أخبارو .. شو أخبارو؟
انشالله ما بُو شِي؟
كل مرّة بِصدُف جارو .. هيدا جارو
ما بيفهّم شِي

بيِحكيلي خبريّات .. وبيِحكي عْموميّات
وبْيِبرُم ساعة عَالكلمة وما بتطلع هِي بالذّات
وبياخِدني وبيرجّعني وبينسّيني
نسّاني والله نسيت

أنا ما قلتلّو شي
هوّي خرّب كلّ شي
هوّي معلِّم .. مش متعلِّم
من عمرو الماضي شي
والدكّنجي ما بيحكي
والْـ بالأوّل ما بيحكي
طالعلي جارو .. هيدا جارو
إلّا جارو .. ما بيفهِّم شي

يا بعرِف عن أخبارو .. شي خبريّة
كلمات أغاني فيروز
fairouziyat.com
يا بيصرلي شي
خبِّرني إنّو جارو .. شو دبّارو
معقولة هالشّي

بيحكي بَين شفافو .. وبيجاوِب بِكتافو
يعني الحَكِي مش متل الشَّوفِة فعلاً لَو حَدا شافو
بيتعّبني وبينكّدلي العيشِة وْدِيني بكّاني والله بكيت

فجأة بِيروح بِيسوح
لا إحساس ولا روح
لا ما بيسأل .. لا ما بيعتل
همّي ولا لَو عم نوح
وعَ أهلو ما معرَّفْني
وعَ صحابو ما مشوَّفني
طالعلي جارو .. هيدا جارو
أبداً جارو .. ما بيفهّم شي