تويت
#كناكر_اليوم على فكرة بتصير
يقول العم ابو علي من......
أنا زلمة موظف وعلى قد حالي وعمري ٥٥ سنة الحمدلله طلعلي ورثة من اهلي ماشي حالها
ومن وقت ما عرفت مرتي بالمصاري وهي نازلة نق شي بدها اتغير عفش البيت وشي بدها براد جديد وبدها لبس جديد واخر شي بدها موبايل حديث ونحن بالأصل ماعنا شبكة بس لاقطين شبكة من الجيران
المهم لحد الان وانا صامد وما راح اعطيها ولا ليرة
وبيوم كنت قاعد لحالي بالبيت ما بشوف الاوحدة بتبعتلي صور على الواتس
شو هااااد بنت بال ٢٥سنة بتطير ضبانات العقل وصارت تحاكيني انو هي معجبة فيني بتشوفني على طول بالضيعة وهايمة بحبي
انا هون انصدمت وكل شوي اطلع على الباب خايف مرتي ماتجي من عند الجيران وتكمشني
وصارت كل يوم اتحاكيني على الواتس انا هون صرت حس حالي مراهق ورجعتني 40 سنة لورا من كلامها الحلو وجمالها
حتى وجع المفاصل والضهر اختفى من عندي وصارت تبعتلي صوت ضحكتها يلي بيشل شل??? مو متل مرتي يلي صوتها متل الجاروشة ???
حاولت اطلب منها انها تحاكيني صوت وصورة بس هي كانت تخاف انو اخوها يسمعها ويعملها قصة وحكتلي انو اخوها صعب وهي يتيمة يا حرام ???وعايشة مع امها وانو وضعهم على قدو
وانا دايما كنت حولها رصيد بالآلاف منشان تقدر تحكي معي وركبت شبكة بالبيت منشان اقدر احكي معها وصرت رتب بحالي والبس احلى لبس وعمرو ما حدا يورث
وصرت كل فترة حطلها مصاري لحبيبة القلب ريم بمحل رفيقتها وهي دايما كانت ترفض ما بدها مصاري بس انا كنت اصر
وصرت اعمل جهدي منشان مرتي ما تحس رغم انو مرتي حاسة بالتغيرات
ولا فجاة انقطع الاتصال وما عاد بقى تحاكيني وضلت اسبوع على هل الحالة
وانا هون هسترت وما عدت طايق حالي وصرت فش خلقي بمرتي وكل يوم خناقة
وبعد اسبوع اتصلت ريم من رقم غريب وكتبتلي انو موبايلها وقع وخرب وصار للكب
انا هون طق عقلي وقلت لها ولا يهمك احلى موبايل لعيونك بس هي رفضت لانو الموبايل غالي ومابدها اتكلفني حقو
تقبر قلبي شو نفسها عفيفة وقلت لها انت اختاري الموبايل وانا بعيوني بدفع حقو
المهم طلع حق الموبايل مليون ليرة وصارت تبعتلي شكرا انبسطت كتير فيه
انا هون قلتلها لازم شوفك صوت وصورة بقى
فقالت انو اليوم حضر حالك الساعة ٦ والحمدلله هادا موعد طلعت مرتي عند الجيران
المهم حضرت حالي و صبغت شعري وحلقت دقني وفتحت الكاميرا
وإذ مرررررتي طالعة من الشاشة وعم تقلي شو يا بعدي لابق لغيري و مو لابقلي ؟؟؟؟؟
على العموم يسلموا ايديك حبيبي على المصاري وعلى الموبايل
انا هون غبت عن الوعي وصحيت شفت حالي بالمشفى ومعي شلل نصفي وما قدران احكي
ومرتي جنبي اخ بس لو فيني احكي لكنت طلقتها بالدقيقة الوحدة الف مرة
الله ينتقم منها الله وكيلكم كنت شايل قسم من المصاري منشان الحج ???
اول شي إن كيدهن عظيم
تاني شي يا مأمنة للرجال يا مأمنة للمي بالغربال