تويت
Fareed Zaffour
15 يونيو 2022 ·
شخصيات مؤثرة
14 يونيو 2022 ·
قصه_حي ( حي الازبكيه )
اول ما هنذكر حي الازبكيه لازم نفتكر سيف الدين ازبك منشئ الحي واللي اتحولت من مجرد خرابه لحي بيسكنه كبار العائلات واعاظم القوم ..
تاريخ نشئه الحي :- هنرجع بالزمن لايام المماليك سنه 1475..لما اهدي السلطان قايتباي الاتابك سيف الدين ازبك حته ارض
ابن إياس بيقول فكتابه ( بدائع الزهور في وقائع الدهور ) ان الارض دي كانت " ساحه خراب بها كيمان ..مكان لالقاء الفضلات وبعض الشجيرات وبقايا بنيان قديم وبركه كان الماء يصل اليها من النيل وقت الفيضان " ولم يكن بها من بناء سوء ضريحين ..ضريح سيدي عنتر وضريح سيدي الوزير كان ازبك ساكن قريب من المنطقه .ففكر انه يخلي المكان دا مرعي للجمال بتعته فجرف الكيمان ومهد الارض وفكر انه يعمر الارض وشق قناه من الخليج الناصري عشان الميه توصل للبركه وطهرها وحول مكان البركه لمكان ومنتزه جميل جدا 
بني سيف الدين ازبك في العمران حوالي 200 الف دينار ودا كان مبلغ كبير فالوقت دا ..انشاء الحمامات العامه والافران وشجع الناس علي الاقامه فالحي الجديد ونقل داره لحيه الجديد وبني جامع كبير ولمده اربع قرون كان حي الازبكيه ارقي احياء القاهره من الشواهد اللي كانت فالحي ان وقت دخول الحمله الفرنسيه 1798 كان نابليون بونابرت بيتردد علي دار اسمها " داره الخليل البكري " عشان يتعلم تعاليم الدين الاسلامي عشان يقدر يقرب من المصريين اما في عهد محمد علي فشهد ميدان الازبكيه خروج مجموعه من القاهره يوم 13 مايو 1805 لمبايعه محمد علي والي علي مصر بدل من الوالي العثماني وكان مقر حكم محمد علي لحد ما حصل محاوله اغتياله من الجنود الارناوؤط فنقل مقر حكمه لقلعه الجبل اما في عهد الخديو إسماعيل فشهد الحي العمران التاني ليه سنه 1867 بعد رجوع الخديو من باريس متأثر بالعماره الباريسيه فأعاد تشكيل الازبكيه حديقه الازبكيه ..اشهر حدائق حي الازبكيه ..تم رد البركه واتبني مكانها الحديقه علي ايد المهندس الفرنسي باريل ديشان بك سنه 1872 علي مساحه 18 فدان ومن اشهر الحاجات اللي حصلت فيها هو عيد ميلاد الملكه فيكتوريا عام 1887 انشاء الخديو إسماعيل علي طرف حي الازبكيه الاوبرا الخديويه وانشاء كمان المسرح الكوميدي