تويت
Fareed Zaffour
15 يونيو 2022 ·
روائع اللوحات الفنيه Amir of Fine Arts
11 يونيو 2022 ·
واحده ربنا حارمها من الخلفه سمعت سبوع جارتها فسرحت وقعدت تتخيل انها الأم وشايله ابنها وبتقول يابختها وياريتنى مكانها ..
و فى نفس اللحظه تتصل امها بيها تقولها :
عامله ايه ياحبيبتى .. قلبى واكلنى عليكى أننى كويسه ؟ جوزك مزعللك ؟
اعملى حسابك انا جبتلك أكلة السمك إللى بتحبيه وهنيجى ناكله سواا انا واخواتك ، فتبتسم وتمسح دموعها و تحمد ربنا وتقول الحمدلله على كل شئ
فى نفس الوقت جارتها ف السبوع شايله ابنها وسط صحباتها و عيلة جوزها
وسرحت ف ( امها وابوها الله يرحمهم ) كان نفسهم يشيلوا عيال بنتهم
فتبص فى وش ابنها الرضيع وتدمع عيونها وتقول الحمدلله على كل شئ
خليكوا عارفين ان كل شخص واخد حقه فى الدنيا دى بشكل عادل
فى اللى واخده مال
وفى إللى واخده بنون
وفى إللى واخده صحه
وفى إللى واخده ( أم ) لسه صوتها مبارك البيت
وفى اللى واخده ( أب ) سند ليه فى عز محنته
وفى اللى واخده ( ابن ناجح )
و فى اللى واخده ( زوج حنين )
و فى اللى واخده ( سعاده و قناعه وراحة بال )
احمدوا الله على ما انتم فيه يزيدكم نعمه ربنا مبينساش حد ابدا و له حكمه فى كل حاجه بتحصلنا و خلو عندكوا يقين انها بتكون خير لينا مهما كانت
.....واياكوا تبصوا فى حياة حد .. يمكن انت شايف ان ربنا مديه حاجه معينه بس مش عارف ده وراه مسؤوليات ايه ولا ربنا حارمه من ايه ، ماحدش بياخد كل النعم كامله والله ، احمد ربنا على اللى انت فيه علشان يزيدك و ماتبصش فى حياة حد ابدا هتعيش مرتاح
الحمد لله على كل حال دائما و ابدا
