تويت
بكره إن شاء الله #عيد_الحب??? ،
خلصنا بقى ضحك وهزار وألش كسناجل او حتى المتجوزين والمرتبطين كعادتنا احنا المصريين دائما ، شوية جد بقى ..
ونقول إحنا ليه اختصرنا الحب فى علاقة الرجل والمرأة بس ، الحب مش بس راجل وست ، الحب أعظم شئ بالوجود ، بالحب أمنا بالله سبحانه وتعالى ، وبالحب بنطيع أهالينا وبالحب بنرعى أولادنا ، بالحب بنقرب من صحابنا ، وبالحب بنساعد ونود جيرانا أو زمايلنا ، بالحب بنربى ونعطف على حيواناتنا ،
الحب أعظم شعور على الإطلاق ، ممكن نكون فقدنا بشكل أو بأخر إحساسنا بيه بسبب المادية الطاغية لزمانا والعصر إلى للاسف عايشينه ورتمه السريع فوق ما نقدر نتحمل ، شئنا أم أبينا بنتأثر بيه ...
سواء حب المرتبطين او الأصدقاء أو حتى الزملاء فقدنا متعة القرب وسكينة العلاقات السوية بدون ما نعرف ازاى وليه وايه غيرنا ، وانجرفنا وراء ماديتة لحد ما اتحجرت مشاعرنا وبقى اسهل شئ ، هدم الود والعلاقات علشان الماديات للاسف !!
لكن أكبر نعمة ممكن تشكر ربنا سبحانه وتعالى عليها إنك تلاقى قلبك ربنا من عليه بالثبات على حب الناس والرحمة والرأفة بالصغير قبل الكبير والى ملكش عنده مصلحة قبل اللى بينك وبينه مودة وعشرة ، بتخدم الجميع لوجه الله وطاقة الحب إلى بقلبك تكفى الكون كله ?،
فى وسط زحمة الحياة هتقابل قلوب اتحجرت واتبدلت لأسوأ مايكون والحب بقى عندها وسيلة للمصلحة وبس ، هيعيبوك ويلومك انك لسه عندك رحمة وإنسانية وحب وعطاء بدون غرض ، الى فى الحقيقة هم نفسهم كانوا يفضلوا كده زيك ، لكن اختاروا يتبدلوا لكائنات أسوأ بحجة أن دى سمة العصر ،
وان الناس مينفعش معاها الا العقل وان العاطفة والحب والقلب لازم يكونوا اخر ما نعيش بيه مع الناس ، اوعى تمشى وراهم مهما كانت معزتهم اوعى تتبدل لمسخ زيهم ،
خليك ثابت على حبك وقربك ومودتك للجميع ، حبك للناس مرتبط بقوة ايمانك بالله وحبك ليه سبحانه وعفوه ومغفرته
لذنوبك ، اوعى تتغر فى مظاهر حياتهم من برا ، هم من جوا خرااااااااب للاسف ? ،
هادوا بعض حتى لو من صديق لصديقه ، أو صديقة لصديقتها أو العكس واتعلموا يعنى ايه حب حقيقى وسوى??? ،
حب الحياة ?، حب الناس? ،. حب الحب نفسه❤️ ..
كل عام وكل اصحابى واهلى وناسة فى حب وسعادة وقرب من الله ومن بعض ?
#عيد_حب_سعيد❤️
كل عام وانتم بالف خير أحبابى??
Happy Valentines Day. ❤❤
الإعلامية والشاعرة /فاطمة نعيم.
فاطمة نعيم