غناء فيروز.أغنية:ردي منديلك ردي ..كلمات والحان:الأخوين الرحباني

ردي منديلك ردي..
كلمات وألحان:الأخوين الرحباني
لمّا لمحتو طلّ صرتْ مْلَبَّكِة
وعرفتْ قصدو وقلتْ بَدّو يشتكي
فتَّشتْ عَ كلمة تَ إفتحلو حديث
وقفتْ ووقف وتْنَينّا نسينا الحكي
ومن يومها عم نلتقي ونقعُد سَوى
مدري الصدف بتسوقْنا مدري الهَوى
حَلّو بقى يفهم رح يهبّ الهَوى
ضيعان ما بيخبِّروا إنّك ذَكي

ردّي مَنديلِك ردّي .. بيضا والشمس حدّة
بُكرا بيِجي مَحبوبك .. وبيلاقيكِ مسْوَدِّة

ردّي ردّي الشمسية .. خلّيها ترفّ عْلَيِّي
لمّا عيونك بتفَيِّي .. وْراق الزنبق بتنَدِّي

في لِنا يا حُبّ خيمِة عَ الجَبَلْ
ناطِرَة تَ نْزورها بْليلة غَزَلْ
راكِعَة الغيمات عند بْوَابِها
وتارِكِة النجمات عَ سطحا قُبَلْ
في لِنا يا حُبّ خيمِة في لِنا