تويت
زوجي يكلي لو ما تساعديني جان شصار بحالنا!؟
زوجي يشتغل بأجور يومية يتعب وما يلحك على الايجار ومصروف البيت وحدة، فقررت اساعدة من يكون عندي فراغ من شغل البيت واشتغل.
سنة 2018 فتحت مشروع لبيع الكيك على السوشيال ميديا وفتحت قناة باليوتيوب كصانعة محتوى يخص الكيك والاكل "شيطلبون مني الناس اكلة اصور طريقتها" والحمد لله شوية شوية مشروعي تطور وصارت تجيني هواي طلبات وكدرت اساعد زوجي بمصروف البيت واشيل من حملة.
تعلمت الطبخ والكيك من امي طبعاً هي صاحبة الفضل الكبير لان من طفولتنا علمتنا كل شي ومن خلالها حبيت الطبخ والكيك تحديداً، وعندي هواية الرسم وجنت اريد ادخل فنون جميلة بس ما توفقت بسبب احداث 2006.
اني سرى أم مصطفى شيف كيك وصانعة محتوى وام لثلاث اطفال من بغداد المحمودية.
#اخو_خيته