غناء فيروز.أغنية: الأوضة المنسية.كلمات كلمات:الأخوين الرحباني وألحان: الياس الرحباني

أغنية: الأوضة المنسية:
كلمات:الأخوين الرحباني
ألحان:الياس الرحباني
لَيل وأُوضة منسيِّة .. وسلُّم داير مندارْ
عِلْيِتْ فينا العلّيِّة .. ودارت بالسهرة الدار

والعلّية مشتاقة .. عَ حبّ وهمّ جديد
فيها طاقة والطاقة .. مفتوحة للتنهيد
وضْوِيِّة البيوت تنوس
فانوس يسهّر فانوس
وإنت بقلبي محروس .. بزهر الحرقة والنار

يا ريت الدنيِي بتزغر .. وبتوقف الإيّام
وهالأُوضة وَحْدا بتسهر .. وبيوت الأرض تنامْ
وتحت قناديل الياسمين
إنت وأنا مْخبّايين
نحكي قصص حلوين .. ولا مين يدرى شو صار

يا أُوضة زغيرِة زغيرِة .. فيها بْحُبّي تلاقيت
أوسع من دنيِي كبيرِة .. وأغنى من مِيِّة بيت
تعبانِة وبدّي حاكيك
حاكيني الله يخليك
كلمات أغاني فيروز
fairouziyat.comونَقّلني عَ شبابيك .. الليل وعَ سْطوح الدار