تويت
Chokri Sellami #وثق_اللحظة
?
شكري السلامي شخصية قابسية تعرفت قبل بفيديو سندباد كنت نكري كستات الفيديو وعملت إسم كبير و كنت رقم 1 بميداني وإلي يقصدني نمدله إيدي ونعاون بلي نقدر و إلي يستحقني بأي معلومة و إلا إستشارة يخرج كان فرحان من بحذانا بمرور الوقت ودخول القنوات الفضائية خدمتنا تمست و بدات الأمور ماشية بالتوالي وبديت نلوج على حلول باش نبقى ديما موجود بالساحة ونقاوم هذا التطور إلي نعيشوه بما أني كسبت خبرة سنمائية بفرجتي على الأفلام و كانت عندي آلة تصوير كاميرا كنت نصور المناسبات بأنواعها من عراس طهورات خطوبات ... الوقت هذاكا كنت وقت ندخل للعرس النساء تزغرط المصور جا
و كان برا جاك كانت حاجة كبيرة ولليوم أنا نخدم بميدان الفوتوغرافيا كسبت خبرة كبيرة ومطلع على ميداني وحريص على مواكبت هذا التطور الكبير للصورة بدخولها عصر الرقمي والتكنلوجيا الكبيرة إلي نعيشوها ماسيبتش و مزلت مكبش و مواكب ولليوم مازالت برشا ناس تستحقني و تستشيرني و نمدهم
بالمعلومة والحمد الله
إن شاء الله تو نزيد نحكيلكم على برشا حاجات إلي تعددت بيا من خبرة سنين بتجربتي بعالم الصورة
-شكري السلامي
رأيكم يهمني و تفاعلكم معايا يهمني حتى نواصل نحكي معاكم و نحكيلكم على تجربتي