رجل يوناني ولد وعاش في المنصورة في صغره.جاب اسرته وولاده يشوفوا المدينة

اللى في الصورة دا رجل يوناني ولد وعاش في المنصورة في صغره ، ومن حوالي أسبوعين جاب اسرته وولاده يشوفوا المدينة اللى عاش واتولد فيها جدهم وأبوهم ...
= أول حاجه قالها: إنه حزين لأن المدينة تم إهمالها عن عمد عبر السنين حتى انهارت البنية التحتية لها ولم تتطور رغم انه كان متوقع انها تبقى على غرار مدن أوروبا
=واستغرب من العمارات العالية اللى مش متناسبة مع مدينة متوسطة زي المنصورة وبيقول ان لما عملوا في شارع البحر الواسع عمارة ارتفاعها8أدوار الدنيا هاجت وماجت والسكان اعترضوا وكان أبوه اليوناني من اللى اعترضوا علشان المدينة تفضل محافظة على رونقها..
= كان حزين لانه راح يزور اندريا وجدها مقفولة!!
= وأكل قلقاس وملوخية ودوقهم لأولاده وتقريبا الأكلات دي مش موجودة في اليونان.
= اسم الضيف هرب من ذاكرتي ونا بكتب البوست لأن ونا بكتب عدا ورا بعض كذا تريسكل بيشتروا حجات قديمة وصوتهم فظيع لدرجة تجيب انهيار عصبي لكارهي الضوضاء زي حالاتي ، وبكل حال على رأي عشاق الازعاج والفوضى وعشاق تحطيم القيم ... دول ناس غلابة سيبهم يسترزقوا احسن ما يعملوا حاجه غلط !!هي جت عليهم!!!
= أرجو من أصدقائي اليونانيين في الصفحة تذكيري باسمه..