سامى لبن . . مستوحاه من اذاعه الاغانى ..أغنية: شاديه..مخاصمنى بقاله مده .

سامى لبن
شويه فضفصه . مستوحاه من اذاعه الاغانى
( مخاصمنى بقاله مده .. وف ليله الشوق نادانى .. كلمته سمعت حسه وقفلت السكه تاني ..اكمنه يا ناس واحشنى وخصامه كمان حايشني ..كلمته سمعت حسه .. وقفلت السكه تانى .. ..
يعنى لو الاغنيه دى حد غناها النهارده .. محدش من الشباب حيصدقها .. وحيضحك عليها .. حيقولوا ( شوفوا السذاجه .. دى ودت نفسها فى ستين داهيه )
التليفونات من تلاتين سنه كان فيها خدمه ( كاشف الرقم ) .. يعنى لو بتتكلم من بيت ابوها من ورا الحاج عبد الموجود وهو موجود .. كمال الشناوى حيعرف على طول .. ويهز كتافه .. ويعمل نفسه مش واخد باله ..
اما بقى لو كانت بتتصل الايام دى من الموبايل فبسهوله جدا عن طريق ( التروكولر ) .. حيعرف انها شاديه.. .. واللا يمكن معاها كذا شريحه ..
ياترى الاغانى الخفيفه دى راحت عليها .. واللا لسه اللى مازالت بتدخل السرور على قلوبنا ..
طبعا فى طرق مستحدثه دلوقت بين الشباب للتواصل .. تخليهم يضحكوا على الزمن ده .. فيلم محمد عبد الوهاب وراقيه ابراهيم زمان .. ( اى سنتى .. اسمع يا دكتور انا اعرف ان الالم ييجي من عصب الضرس لما الواحد ياكل حاجه ساقعه ..)
( عشان تحرمي تاكلي جلاس وتدوبي فى قلوب الناس ..)
و عرفت منين ؟
( متعرفيش انى اقدر اقرا افكارك و من عينيكى اقول لك كل اسرارك .. )
لو حصل الكلام ده فى عياده الاسنان دلوقت ..طبعا فيفى حتبلغ عنه .. لانها كانت بتسجل له .. وتروح تعمل له محضر ( تحرش ) وتقوم عليه المجلس الاعلى للدفاع عن حقوق المراه وفجاه يلاقى نفسه ترند على كل المواقع .. وتخرب بيته ويتفضح قضيحه الكلب الجربان..
...
من ارشيف الصفحه


Sawsan Elsharkawy
ياريتها دامت
سامى لبن
Sawsan Elsharkawy قول للزمان ارجع يازمان