تويت
Ehab Ali
الوعي الأثري
1 مايو الساعة 11:11 م ·
#حكى_مصاطب
تعالوا معايا
نربع ع المصطبه ونحكى عن عاصمة الفاطميين ج١ 
من قبل 1054سنه فاتوا
الفاطميين كانوا موجودين فى بلاد المغرب وعنيهم على مصر (لانها مفتاح العالم الاسلامى اللى هيحتل مصر هيسيطر على العالم الاسلامى كله بخيراته )
وبعد محاولتين فاشلين من الفاطميين فى احتلال مصر
كانت الحمله التالته اللى بعتها المعز لاحتلال مصر بقيادة القائد الحلوانى اللى بنى مصر
( جوهر الصقلى )
ومعاه جيش جرار وسبق الجيش فرقه عسكريه (ذى الاستخبارات
العسكرية ) اندسوا بين المصريين وعرفوا مشاكلهم وفرقوا على المصريين دنانير ذهب عليها اسم المعز ورايات سوداء (رمز الشيعه الفاطميين ) دا كله علشان يجهزوا الشعب المصرى نفسيا لاستقبال الحاكم الجديد
دون مقاومه ؛ ودا اللى حصل ان جيش كافور الاخشيد (حكام مصر فى الوقت ده ) مش قادر على صد اى هجوم
وعلشان كدا المعز وهو بيبعت حملته التالته كان بيقول (انا باعت قائد بالف قائد وكان ... الحلوانى ..)
اول ما وصل
جوهر الصقلى اختار مكان حصين يبنى فيه حصنه المنيع اللى هيكون فيه سكن للخليفه واتباعه وعلشان الفاطميين شاطرين فى التنجيم وعالم الفلك
حدد جوهر الصقلى المدينه على شكل مربع طول ضلعه ١٢٠٠م
عن طريق اوتاد مثبته بالارض وربطهم بأحبال وربط بالاحبال اجراس
علشان المنجمين لما يستطلعوا كوكب خير لهم
يدقوا الاجراس والعمال تبدا البناء بالطوب الطين
ولكن وقف على الاحبال غراب ودقت الاجراس وكان كوكب المريخ هو اللى ظاهر فى السما
والمريخ معروف بأنه (قاهر الفلك
) وعلشان كدا اتسمت المدينه باسم القاهرة (قصص فى تاريخنا مش عارفين اصلها ..صح .. واللا !!)وكانت مدينته الجديده فى صحراء شاسعه متحصنه تحصين طبيعى
فى الشرق جبل المقطم وفى الغرب الخليج المصرى
وعمل تخطيط المدينه على هيئة مربع وفتح فى كل ضلع بابين
وعمل شارع فى وسط المدينه من شمالها لجنوبها سماه الشارع الاعظم او القصبه العظمى _ المعروف دلوقتى بشارع المعز
وبنى القصر الشرقى الكبير لاقامة الخليفه المعز وأسرته وكمان بنى جامع المدينه
المعروف بجامع الازهر (علشان يبقى مركز لتدريس المذهب الشيعى )
تابعونا فى الجزء الثانى من
قاهرة الفاطميين فى #حكى_مصاطب