نبات الـ كزاليزم

نبات الـ كزاليزم بدون زهرة بس أوراقه مصدر الرائحة الجميلة مش بس الأزهار اللي ريحتها حلوة و مش كل الريحة الحلوة في الأزهار

كزاليزم من أقرب النباتات العطرية لقلبي ، نبات عطري جميل جدًا وهو ( نبات داخلي و خارجي ) و يعتبر من النباتات الطاردة للحشرات النبات طارد للحشرات زي الناموس الذباب رائحه النبات بتشبه البخور و في ناس بتقول أن ريحته بتشبه الليمون
الورق بيلمع بشكل جميل فـ شكله ملفت للنظر و مميز
النبات يقدر يعيش من غير شمس مباشرة و مناسب في شمس مباشرة بس تكون هادية لمدة ٣ ساعات في اليوم تقريبًا ، ومناسب داخل البيت لو جنب شباك مثلًا أو في إضاءة قوية .. الري معتدل عند جفاف التربة ، التسميد بـ سماد npk مرة كل أسبوعين
النبات قابل للتشكيل نقدر نقص منه و نشكل النبات زي ما نحب و النمو بيفضل مستمر و يزيد كمان بإذن الله