تويت
مين انا ؟
انا ريم خليل سورية بعشق وطني لابعد حد وفوق ما بتتخيلوا
سورية وبفتخر اني بنت سورية اللي رح ترجع من اول وجديد توقف على رجليها
بكل فيديو بنشره عن سوريا والسوريين بكون عم احكي فيه للعالم قديش سورية حلوة عم احكي لكل متابع عندي من كل دول العالم ومن كافة الجنسيات ان سورية جميلة بارضها وبشعبها الطيب اللي مرت عليه سنين ظلم واسى وحزن و موت ورغم هيك هو انسان طموح بحب الحياة
بكل فيديو بارضها ما بكون عم اعملوا للسوريين اللي بيعرفوها
بكل فيديو بسوريتي بكون عم عرف البلدان التانية عن مهد الحضارات و عن المدينة اللي باذن الله رح تستقبل الملايين من السياح بالايام القادمة ليتشجعوا ويجوا لبلدي ويشوفوها عالواقع
مو بس هيك رح تشوفوا كل شي بخص الوطن العربي وابناءه لاني متعصبة لعروبتي بشكل ما بتتخيلوه
بتمنى من كل قلبي ان عنجد اي شي بنزله من فيديوهات
تنشروها بكل مكان
ليفوح اولا ياسمين سورية بكل انحاء العالم
صار الوقت ان ندعم هالبلد لانه بيستاهل
سوريتي ❤️