تويت
تذكرتك ما ني نسيان
هيدا أنت درويشي
كيف المرا والولدان
كيفك كيفك بو عليشي
أشبك مغير نحفان
صاير من وزن الريشي
أشبك مضيع سكران
شو ساحبلك تحشيشي
خبرني عنك يا فلان
كيف احوالا هالعيشي
كيف الضيعة والخلان
كيف المرعى والبوشي
:تركني بخالي يا فهمان
الحاجة اكلتلي رموشي
راح البيت والبستان
وراحت كل التحويشي
راح من عمري الأمان
ضاع مني كل قروشي
راحوا بناتي والصبيان
ب قوانين القاشوشي
بتتزكر حظي كيف كان
ب طاولة الطابوشي
لسا يكي موجود بين
حدفات الشيشوشي
لسا حولي القضبان
مع وسخات القاووشي
مع اني كتير رضيان
باحكامو قراقوشي
مع اني دايماً نسيان
كل العيشي المغشوشي
مع أني دايماً زهدان
بكل الكذب المنفوشي
مع أني دايماً مشيان
بكل الكذبة المفروشي
صامت جوعان بردان
من جرياتي للشوشي
مع اني بدعي الرحمن
بشفاعة حمدو وعلوشي
الله يديمن للرعيان
لما يصيحو شي ورا شي