تويت
المصري اللي خطط مكة والمدينة وابو ظبي.
د.عبد الرحمن مخلوف
المعماري المصري العبقري اللي رشحته الامم المتحدة سنة 1959 لما طلبت السعودية معماري لتخطيط مكة والمدينة ..
وبالفعل قام بتخطيطهما ببراعة شديدة ..
بعدها بكام سنة طُلب منه تخطيط ابو ظبي..
فابتكر مخطط لحد النهاردة بيتضرب بيه المثل في المرونة والنظام و الكفاءة والإحكام ..
علي مدار سنوات قام د.مخلوف بتخطيط كتير من المدن ..
ويمكن من الانجازات اللي بتوضح مدى اتقانه وكفاءته .. انه خطط لعمل قناة ملاحية تحيط ابو ظبي .. منها يقلل المساحات الشاسعة للمياه الضحلة ويحولها لمجاري عميقة ودا تسبب في تقليل الرطوبة بشكل كبير .. ومنها انه اخد حصيلة الحفر واستخدمها لزيادة رقعة اليابسة للامارة باستخدامها في اماكن تانية من الساحل .. غير انها خلقت حركة ملاحة عظيمة في محيطها ..
د. عبد الرحمن يبقي ابن سيدنا الشيخ حسنين مخلوف .. مفتي مصر السابق.. وحفيد سيدنا الشيخ محمد حسنين مخلوف .. عضو اول هيئة كبار علماء واللي كانت بتتكون من 20 عالم بيمثلوا المذاهب الاربعة واستاذ ائمة عظماء زي الامام المراغي و الشيخ عبد الله دراز وغيرهم ..
رحم الله د.عبد الرحمن .. توفى من خمس أيام..
لكن يبدو انه مكانش بأهمية مغنية حلقت شعرها ولا سرسجي بيغني لبطة .. فالاعلام مخدش باله منه !!