تويت
مبادرة تراث مصر الجديدة بـالتعاون مع فوتوبيا، أعلنوا إطلاق النسخة التاسعة من مسابقة "تراث مصر الجديدة" للتصوير الفوتوغرافي، احتفالا بمرور 118 سنة على إنشاء حي مصر الجديدة، وبعد المسابقة هيكون في معرضين، واحد مقفول وواحد تاني مفتوح في شوارع مصر الجديدة في الفترة من ١٨-٢٦ مايو ٢٠٢٣.
التقديم للمسابقة مفتوح من دلوقتي ليوم 9 مايو الجاي، والمسابقة فيها 3 مجالات تصوير ممكن تشارك فيهم كالتالي:
1- هليوبوليس قديم وجديد: دور على صورة قديمة لمنطقة هليوبوليس واخلق تكامل مع صورة حديثة من تصويرك، بتظهر تراث مصر الجديدة بين الماضي والحاضر (أماكن زي ما هي – أماكن اختلفت تماماً – أو رسالة عايز توصلها بين القديم والجديد) مما يعبر عن مصر الجديدة.
2- عادات في مصر الجديدة: صورة بتبين عادات المجتمع أونمط السلوك أو التراث الإنساني في مصر الجديدة.
3- قصص ليلية في مصر الجديدة: صورة بتبين جمال تراث مصر الجديدة في الليل، أوالحياة في مصر الجديدة بالليل.
الصور المشاركة في المسابقة لازم تكون جديدة ومتصورة في الفترة ما بين 9 أبريل لـ 9 مايو، والحد الأقصى للمصورين المشتركين 3 صور في كل مجال من مجالات المسابقة التلاتة، وماينفعش الصورة يكون أي كتابة أو بيانات.
عشان تعرف باقي تفاصيل وشروط المسابقة، تقدر تدخل على صفحات فوتوبيا وتراث مصر الجديدة، وتقدر تلاقي إيفينت المسابقة على فيسبوك باسم: Heliopolis Heritage Photography Competition 2023 مسابقة تصوير تراث مصر الجديدة ٢٠٢٣
مبادرة تراث مصر الجديدة Heliopolis Heritage Initiative
Photopia
Photo By: Andrew Shenouda
#اللي_بيحصل